3日假期好快就過完, 星期五入左南丫島, 想唔到碼頭人頭湧湧, 原來假日係咁多人入去咖 ?

入到去第一時間走去問下心目中果間渡假屋几多錢先, 閑日半日320蚊, 由一點至九點, 果夜就 470蚊, 我自己就覺得唔算平, 搞搞下漏左問埋假期價錢要加多几多錢添.

後來再想想, 要約好一班人一起請一日假而個個都唔會放飛機既其實都好難, 而每個角色都好重要, 是旦少左一個都好大機會唔成事, 問當事人打算几時實行, 當事人話五月中喇, 今日都五月三號, 感覺上都係唔成事既多. 好多野都係想就好理想, 實行又係另一回事.

入到南丫島都唔知食咩好, 淨係記得上次果間唔好食, 一定唔會再去, 望下門口既餐牌, 覺得有間都OK 就走入去, 點左個蛋包飯, 啊..... 即係煎左個好大既蛋, 入面包住D茄汁飯, 食落好淡口, 再飲啖凍檸茶, 又係好淡, 完全無茶味, 係未其實黎得離島食野貴之餘又唔好期望會好食得去邊?

周圍逛逛我居然買到野, 一枝木燦 29蚊和一頂草帽 39 蚊, 感覺上呢頂草帽夏天用黎影相一流.

跟住走回頭去探貓貓喇, 一..二..三..四...都仲有貓貓係度, 不過望見佢地既臉就真係有點兒心酸, 貓咪不但沒神沒氣, 眼睛很多都好似正在發炎, 記得第一次來牠們全部都很肥美, 很可愛, 是老了, 還是流浪的日子不好過 ?

想想我家忌廉太幸福了吧?